網紅的藏寶箱由搞show果排開始個心態就keep住好緊張，想快D做好所有野，快D搞掂佢。但果陣都仲有一個感受嘅心，知道應該要feel。
完show之後想再做EP，再搞SHOW，有個心態好似做完一樣要即刻做第二樣，其實都係冇問題，因為始終對我黎講時間有限。
我開始發現唔對路，呢排咩都唔想做，好拖延好逃避，但每日又覺得要做好多野，跟住又做得好急。
今朝喝咗啖茶迫自己同自己講我要慢番，跟住做左個瑜珈。
係過程入面好快我都有想唔做/諗起其他野想快D做嘅念頭 （e.g. 覆msg/有嘢想睇/整歌etc)，總之就覺得想快D做完做其他野，想一個動作做兩野就算。
不過我都叫番自己一個動作做耐D，要呼吸。我發現我原來忘記咗呢個感覺，平時真係太急。
唔係話D事情要做得好慢拖長黎做，而係應該放慢個人冷靜處理有D咩要做安排好時間，快中有慢。
呢D道理明明一早就已經明白，而且以為一路都有記住，但竟然可以不知不覺就忘記左。
所以明真係唔係大晒，一個人時間有限，選擇你相信嘅事去練習真係好緊要。
要每日冥想同做多D瑜珈先得🥲
Search